” عن الحب ” للشاعرة : إيمان مصطفى _ مصر

من زمان
أنا قولت رأي في الكلام دا
عقلي واخد قلبي
رحلة في الزمن دا
فرجه كل المخبي واللي باين
شاف كلام الحب عاين
الحبايب كلهم
والاحبة سهل جدا
لو يقولوا
وسهل برضه
إللي قالوه يتقالهم
احساسات معظمها زي
سبرتوا تخرج منهم
كلها بتضيع ياعيني بدون تمن
قولي مين
من اللي قالوا ع المشاعر يأتمن
لعبة بين حس وكلام
واللي صدقها في بحر الحب
حدفه
الموج بعيد
وان رجع للشط تاني
الموج هياخده من جديد
تحدفه أمواج سعادة
تلقفه صدمة خصام
او خيانة
او فراق متبوع بحسرة وبندامة
النهاية ..كله فش
غش متشكل بغش
ياللي بتصدق كلام الشعر
صدق ..واحسبه
ان أجمل مافي الشعر اصلا
اكذبه
وان وحي الشعر جان
ياما وقع ناس وخان
كل غالي ف لحظة هان
واكتوي
الكلام في الحب يطلع
وف ثواني يكون هوا
النهاية،آهو اشتغالة،،
ووقت ضايع في الهوا

admin

See author's posts