20 يونيو، 2024

” الشوق ندانى ” للأديبة : راوية حسن _ مصر

كرتون

ارشيف

لما الشوق خدنى وندانى

قلت اروح له حبيب زمانى
قلت بس ايه رمانى
فرقوا بينا العوازل
قالوا سهم الحب نازل
وفى كلامهم جم عليه

قالوا هو الحب خانك
انتى خليكى فى مكانك
بكره يصالحك زمانك
وبعد كده خليوا بيه

كان ودادى ليك جارحهم
وبعادى عنك فارحهم
وانا اللى سمعت كلامهم
استاهل اللى جرى ليه

اللى خلانى اطاوعهم
واسيبك واروح لدارهم
واعمل ايه فاكره انى منهم
اتاريهم لعبوا بيه

فرقونا وبعدونا
كانوا فاكرين يهزمونا
عمرهم مافرحونا
يا لا غيظهم وارجع ليه

يوم ماترجع تانى عندى
انا قبلت التحدى
انا أدى وانت تدى
انت عارف اللى بيه

انت ليك عندى كلام
شيلاهولك وسلام
كان فى قلبى من زمان
يوم عليك ويوم عليه