21 فبراير، 2024

” مكاره ” للشاعرة : نور الجنه درويش _ مصر

نور

نور

اوقات بتكون مزنوق ف كلام
او نفسك تنفخ فى سيجاره
والخلق يضيق م الحال العام
تعبوك الناس المكاره
محتاج اوى حد تفضفض لِه
او ترغى بدون اى إشاره
بطبيعة الحال لوبختك مال
اطلب خدمة( توصيل ساره)
هتحكى تقول فى الشات هتنول
تأليف اعداد كله بساره
والحكمه تقول السر ف بير
ودى بيرها خطير
معجون بالكدب
وتحبيشه كده ماتخيبيش
وفي ثانيه تقول الف اماره
الغيره بتجرى فى عروقها
تعمل بتحبك وتعاملك
كصديقه وتبقى لك جاره
تأخد الكلمات من قلب الشات
وفي لحظه بتوصل( طيااااااره)
يانفاق لسنين
وقلوب مليانه
سواد جوه
زودتى عدد مُرى مراره
هتروحوا لفين
عايشين بتخونوا وبقوه
اعوان ابليس ع واتس وفيس
أقذر مخاليق لاء بجداره
حبة الاعيب لابتعرفى عيب
فاكره خيانتك لينا شطاره
هتعيشى بنااار نقل الأسرار
فكرتك شىء
لاقيتك بنى ادمه …ماره

اعلان
اعلان