22 فبراير، 2024

” كنت ساكنه ” للشاعرة : عزة أحمد أبو زيد _ مصر

عزة

عزة

كنت ساكنه بين حروفك
وردة هايمة فوق كفوفك
راسمة فيك كلمةبحبك
والحنين دايما يشوفك
جنة فيها العشـق طارح
والسنين رغم اللي بينا
غيرت حتى الملامح
والمشاعر فجأة حست
كل شئ كان بينا جارح
وان كلمة يا حبيبتي
كات سراب ف القلب سارح
كات بتتخفى بمهارة
ف الغيوم والناس سهارى
بس امتى الكدب كان
يعرف العوم ف الأمان
د العيون كانت بتحكى
وانت عايش ف الممات
ياما قلبي كان بينزف
من عيونه كتير آهات
وانت بتموت بليلك
اللى كان م الذكريات