21 فبراير، 2024

” بنبكى ” للشاعرة : مايسة العشى _ مصر

كرتون

ارشيف

بنبكى فى يوم مولدنا
ونبكى لو الدنيا تعبتنا
ونبكى فراق حبيب لينا
ولما الدنيا تلعب بينا
ونبكى غدر اصحابنا
ونبكى بعد احبابنا

وبيدور الزمن بينا
يبدل حال على الاحوال
نلاقى الدنيا تسعدنا
ونضحك والفرحه ويانا
ونسعد لو حبيب جانا
ونضحك وقت لمتنا
ونحضن كل فرحتنا

وتسوى الدنيا ومافيها
وننسى الحزن جوانا
نلاقى الفرحه جمعانا

وبين الضحكه والاهه
وبين الحضن واللمه
وبين الفرحه والضمه
تعيش فينا احلامنا
وتنعش كل ايامنا

ونتغرب وبنقرب
تعدى بينا ليالينا
وبتجبنا تودينا
تعذبنا وتجرحنا
وتسعدنا تفرحنا

ونرجع نبكى من تانى
على فراق اللى راح منا
وعلى الظلم اللى عذبنا
وعلى الحزن اللى جوانا
ونبكى العمر من تانى