“ف رحايا” كلمات الشاعرة نجلاء طاحون

☆ ف رحايا ☆

يانبض القلب فين غبتي
وسبتي الضلمة جوايا
أدور في الوشوش ملقى
ملامح تبقي مرسايا
غيابك عني فوق طاقتي
يحطم قلبي ف رحايا
ومين يجبر شروخ الروح
ويلضم شمس بسمايا
ياسارقة الفرح بفراقك
وفين ألقاكي يامَّايا
صحيح غبتي عن الدنيا
لكنك عايشه أهو معايا
وجوة بقلبي أمنية
يارب اسمعها ف دعايا
تكوني ف جنة الفردوس
ويبقا رضاكي مثوايا

admin

See author's posts