21 فبراير، 2024

” دق الجرس. ” من خواطر الشاعر : معتز الراوى _ مصر

معتز

معتز

لسه المشاعر..
جوا حضن الليل بيعشقها القمر
نفس السفر..
لعيون حبيبها يييجي قبليه المطر
والشوق يروح
يرجع حنين مشتاق لبوح
يكسر خيال الليل..
ويتجسم حبيبها في الصور
من غير عتاب..
قبل الكلام دابت
لما الحنين خد قلبها ارتاحت
والشوق عذاب..
والجمر متغلف بسحرِ
اتنهدت تنهيدة..
خانت نفسها ف حضن الخطر
دق الجرس..
وف لحظة صوت الحلم جواها اتحبس
والعطر جواها اتهزم..
والصرخة مكتومة النفس
واتلون القلب الجميل أحمر
وشعور بغربه ف روح بتتتبعتر
مهو فيه حجات تتحس، وحاجات تتلمس
حتى الطريق دق الجرس