” بخاف عليك ” للشاعرة : مايسه العشى _ مصر

لما جانى فى يوم حبيبى
وبحنان حضن ايديه
وقال بشوق
متخافيش ياحبيبتى
هو فيه فى الحب خوف ؟
ده انا روحك وانا ملكك
كل عمرى كله عندك

ايوه طبعا ياحبيبي
هو كل الحب خوف
اما اخاف عليك ياقلبى
واما اخاف انك تسيبنى
واما اخاف من الزمان
والامان اللى مخصامنى
لما حبك يبقى نبضى
كل دنيا عايشه فيها
كل همسه عايشه ليها
يبقى خوفى بيلازمنى
يصاحبنى فى حبى ليك
طب تصدق،
انى خايفه كتتير عليك
زى طفلى بخاف عليك
لما يبعد لما يعند
دى الحكايه مش كلام
هى نبضه جوه منى
عايشه فيه من زمان
اه بحبك اه بحبك
واخاف عليك

admin

See author's posts