” لقيتني بفكر ” للشاعر : محمد على عاشور _ مصر

” لقيتني بفكر  ”
ولقيتنى بفكر انا فيكى
ولقيت العقل بيتجنن
وانا طول العمر
استناكى
ولا قلبى فى يوم
دق بقوة اللا عشانك
وان كان العشق بيرضيكى
انا عقلى خلاص بقا مجنونك
راح منى و تاه
اتجن و فرحان بحنونه
يا عيون القلب ودقاته
و يا نبض الروح
لو غبتى العمر انا مستنى
لورود الخد مع البسمة
و لرمش العين اللى بيقتل
و بيرمى سهامه اللى تفرح
جوه عيونى
و النظرة العاشقة لتكوينك
و الصوت اللى يداعب قلبى
ويفرح روحى المجنونه
مع كل الووووو
و يا عشق القلب و شريانه
و يا فرح العين السرحانه
اللى بتحلا لما تشوفك
حتى ف غيابك عن عينى
فى القلب مكانك متخبى
و العقل يردد مع روحى
كل حروفك
لو قلتى كفاية ما تفكر .
لازم افكر
و بردد حبك مع نفسى
كلمة بكلمة
حبك و أتمكن من قلبى
و انا اعمل ايه

admin

See author's posts