حزين يااا.. صاحبي
طب مالك
بتشكي مني لجيرانك
و تتندم علي حوالك
وانت اللي السبب فيها
وده مردود بيجرالك
م كنت انا خلك المخلص
و كنت حنان ولا يخلص
وكنت العشرة والصحبة
و اخوك اللي بيبقي لك
قسيت ورميت
نسيت الود كان بينا
حكاوي ف ايه بيجرالنا
ونشكي حالنا واحوالنا
نطمن بعض
ولا فكرت انا في البعد
تشيل عني وتسمعني
ف اشيل من نن عينك
سهد
واقولك كتفي ليك ماية
وكتفي التاني ليك الزاد
ولا يهمكشي لوم وعناد
وطول عمري هكون لك ضهر
ف ليه انت ف عز م كنت محتاجك
بديت بالبعد
وتحجج باسبابك
وانا والله ان زودت ف عتابك
ف كان بالحب
ف باترجاك بلاش تحزن
وتشكيني لكل عزول
ولا توقعني يوم ف مطب
ولا تشيلني فوق طاقتي
ولا تشككني في صداقتي
ولا تعمل كمان مظلوم
وروح راجع مع نفسك
وجيب فيها العتاب واللوم
ولا تحملني اهوالك ولا انك
كتير مهموم
يومين وهتنسي عشرتنا
وترجع ترمي جوا الجون
تلاقي في الشباك صاحب
شوية وعشرتة حتهون
فبالنسبة لي انساني
وانسي زماني وحناني
انا مش بشتري الا
صحاب صادقة
لا يوم باعت ولا بتخون
انا ببقي علي صاحب
بيحفظ دايما العشرة وليها
يصون
سلام يا صاحبي وكفاية
انا للذكريات
ممنون
More Stories
المستشار على سالم يكتب : كل مقومات الصعوود
ما أصعبُ هذا الحب ” للشاعرة : انتصار احمد جويلى _ مصر
كتير عليه ” للشاعرة : راوية حسن _ مصر