” عِشقك مؤبد ” للشاعرة : شيرين الدماطى _ مصر

” عِشقك مؤبد ”
وإن قالولك إني بَهزِي
وإني بحكي كتير عليكي
كنت صاحي ولا نايم
وإني بيكي ف حلمي هايم
متصدقيش !!
متصدقيش أى كلمة تسمعيها
ولا تسمعيش إلا مني
حبي ليكي مش حقيقة
……………..أو خيال
م المحال….. تكوني ليا
أو مابينا يكون عيال
إنتي ليا ف عيشة تانية
جنة يمكن
حور تكوني
إنتي سرمد
أما كونك تبقي زوجة
وتشوفيني ف يوم بقولك
يعني يلعن يوم ماشفتك
مش هيحصل م المؤكد
بعشقك جداً مؤبد
هندهك قلبي المؤجل
كل واحد حب واحدة
حبهم بالعشرة قل
واللي شفته م الحكاوي
تحكي عنه تقول ممل
هتشوفيني إما جاهل
………………أو بضل
قولي كل إللي ف ضميرك
بس إوعي خط سيرك
يوهمك تلاقيلها حل

admin

See author's posts