” هو اللى حب بجد ” للشاعرة : مايسه العشى _ مصر

هو اللى حب بجد
عمره مايوم ينسى
كل الوعود والورد
ولا يعيش مرتاح
وانا قلبى كان سواح
عايش فى وسط براح
لا حب يوم ولا داب
ولا دق له باب
عايش كما العصفور
طاير بين الاغصان
لاعمره كان حيران
ولا حتى بات غضبان

والوقت فات بيه
لاقتنى محتار
بين نبضك الجبار
وحب ماله مثيل
ولاشوفت زيه بديل
دابت عيون الشوق
وسهرت الاوجاع
وانا قلبى كان شارى
عمره ماكان بياع
ضمك فى احضانه
مسح دموع عمرك
واتبدلت نبضات
عاشت فى ظل الروح
واتقسمت نغمات
نغمه من جواك
زرعت امان وحنان
وانا قلبى بقى ليك
سهران فى موالك
يعشق غناويك
ويدوب فى الحانك
واتغيرت الاحوال
عصفور هجر عشه
وعاش فى احضانك
لا عاد له جناحات
ولا فى الامان بات
قلقان من الزمان
ليوم تهجر قلبه
تبعد عنه وتغشه
ويعيش وحيد مكسور
بعد ماضاع عشه

لكن وانا وياك
برتاح هنا جنبك
واعشق حنان قلبك
وفرحتى معاك
واللى يحب بجد
عمره مايوم ينسى
مهما الزمان يقسى

admin

See author's posts