21 فبراير، 2024

” وأشتاق لك ” للشاعرة: مايسه العشى _ مصر

على رمش الهوى راسمك
واعزف لحنى من وصفك
أدور فيك على حرفي
ألاقي كل الحروف إسمك
ومهما أحكي أو أتأمل
أو ادندن وأتكلم ؟
اقول إيه على إحساسي ؟
قريب منك …بتحضني
تفرحنى تكبرنى
بعيد عنك….أنا صغير
حزين وديما متحير
وتاهت مني احلامى
وضاعت كل ايامى

وأشتاق لك
أحس الرعشة في قلبي
ونبضي يزيد
ونتواصل مع الهمسة
في قلب الليل
وأبعت الهوا مرسال
وانا دايما على دا الحال
ومشتاق لك
أنادي لك ؟
أنين روحي بيوصل لك
في لحظتها
تطل أكيد مع البسمة
كما النسمة
كما الهمسة وتهمس لي
دا من غيرك
أحس الدنيا دي فاضية
واسمع لك
وحشتيني وحشتيني
تعالي ياعمري ضمينى
وخبينى فى احضانك
دا انا مشتاق ليوم قربك
وليل البعد جنني وحيرني
تعالي يالا هنا جنبى
وانسي كل شييء تاني
دا إنتي الحب والعشرة
وجوه عنيكي عنواني
أعيش استنى ايامك
أضم الحلم في عيونك
وحشتيني وحشتيني
وأحلامي بقت لونك
وبستاني ده من وردك
وأشتاق لك …