22 فبراير، 2024

” محبتنيش ” للشاعر : قاسم محمد _ مصر

كرتون

ارشيف

ولا أرتحت لكوني هنا
كله متبت فيها إلا أنا
محبتش الحاجات الزايلة
ولا حاولت أعدّل المايلة
ولا مشيت ف طريق حابه
كنت أول حد يكره قلبه
ويكره لحظة ميله لحد
كنت أكتر حد يحب البُعد
ويحب العُزلة وسهر الليل
أنا كنت جميل وأنا لوحدي
بَعَدي سريع وبمر ف كل طريق باللين
لا عمري صاحبت ف يوم شارع
ولا عمري صاحبت البنيأدمين
ف محبتنيش أما غيرت الروتين
محبتش القُرب للأشخاص ولا الأشياء
محبتش الأداء اللي أديته ف مشهد قُرب
لا الزيف كان طبعي
ولا عمري ظهرت بشئ مش حاسه
أمتى يحسوا ….!
أمتى أرجع تاني لكوني بعيد
والله أشتقت لنفسي وحيد
اللمة دي مليش فيها مكان
مش حابب أني أبان على عكس ما بكون
مش حابب أني أئن ف لحظة سكون
كرهت طعم البن ف حضرة الفناجين
محبتنيش لحبي للزايفين …
محبتش كدبي بأني مازلت بعيش
محبتنيش …. ✋????