” اوعدني ” للأديبة : صفية نصار _ مصر

اوعدني إنك تكون
الحب الصادق والقلب الحنون
ولاتقسي يوم عليا
ولاتقدر يوم تخون
ودايما القاك تسندني
اوعدني
ولو حسيت لحظة بضيق
الاقي فيك اوفي صديق
متسبنيش وسط الطريق
وإنت معايا الصعب بيهون
واوعي عن هواك تبعدني
اوعدني
قولي مش هاتنساني
ولا هاتغيب عني ثواني
يامعلمني معني الهوى
مش هانفارق بعض تاني
و لا هاتسيبني للظنون
تاخدني وتجيبني.
اوعدني
بتصحي فيا الأمل ببتسامك
والسعادة في همس كلامك
يانبض قلبي يا حياة روحي
أمتي ترجع لياليك وأيامك
ومن تاني تملى عليا الكون
وفي حضن عنيك تاخدني
اوعدني

admin

See author's posts