” انا حنيت ” للشاعرة : منى زكريا حمد _ مصر

حنيت للصبح يتنفس
على كفوفى
حنيت للشمس العاشقه
دفاها على خدودى
حنيت للضحكه
للغنوه
لاحلامى ولورودى
وسكه طارحه بالفرحه وبالبساتين
وحدوته وبسمعها من امى
وانا منها بعيش واحلم
أكون هيا
وفستانى الطويل الأبيض
أبو كرانيش
ومروحته وانا بجرى
وبدور فى عكس الريح
وكعبلتى على الأرض وانا بضحك
وقمرى اللى كان سارح ورا ضلى
وكان يضحك
حنيت لقلبى النونو إللى كان أبيض
فى أحضان حلم متشبك فى ألوان طيف
فيرسم بكره فى كيانى
لوحه لنور
تعشق روحى وحدودى
انا حنيت

admin

See author's posts