” وبتمناك ” للشاعرة : نجلاء الشنوانى _ مصر

وبتمناك تبقى لى وطن وحياة
برغم الواقع الكائن بإنك..
مستحيل مفروض على قلبى
وقلبى كاره التسليم
وبتخيل امور تحصل وتجمعنا
لكنى ب أرجع أتذكر
وجع.قلبك فأستغفر
وأقول يارب تسعدها
ولا توجعنى بوجعها
أنا راضى
تكون لى حبيبتى بينى
وبين خيالى وبس
واكمل عمرى وياها بدون..
ما تحس
ولو حست وسألتنى
هقول أوهام
ونسج خيال ملهوش أساس
وزيك زى كل الناس
وجودك عادى مش مقياس
فتمشى بدمعه محبوسة..
فى نن العين
وأخانق نفسى علشانك
وأعنفها بكلام وحنين
وأحاول أجرى وأحكيلك
أنا كداب
وأوصفلك بإن القلب..
فى هواك تمنى وداب
وزى ما قالوا قبلينا
فى اغانينا الهوى غلاب
لكن عتبة بتفصل بين..
حياة وحياة توقفنى
تفوقنى تعنفنى
أيا مجنون
هتشطح عن شريعة كون؟
ما هى مش ليك
فلا تخطى. هنا خليك
كفاية عليك تشوفها بخير
ولو حتى مع غيرك
‏وعيش انت مع الذكرى
‏مع الاحلام
‏مع سطورك

admin

See author's posts