” وحشاني يا امي ”
ومهما طالت بيا الحياة
ومهما عدت من سنين
لسه صورتك جوا مني
لسه أسمك فوق شفايفي
ذكري عايشه بالانين
اه يا أمي …
لما غبتي ورحتي عني
حاسه بيكي جوا مني
الادين اللي تطبطب
الكلام اللي يطيب
اي جرح من السنين
قولي طيب …
مين حبيبتي قولي مين
لما أنادي وأقول يا امي
مين يواسي بعدك انتي
او يسامح غيرك انتي
بس لو يرجع زماني
او يعود العمر تاني
وألقى نفسي جوا حضنك
ارتوي من عطف قلبك
حتى لما كبرت حبه
لسه عينك شايفه طفله
بالضفيرة …
شايفه لمتنا الجميله …
جنب منك ع الحصيرة
والله وحشاني يا أمي
كل يوم بنده عليكي
طب يا أمي مره ردي
طمنيني عامله ايه
ساكنه في الجنه ونعيمها
ربنا راضي عليكي
جوا احلامي بشوفك
وسط حور العين مكانك
لما نتلاقى يا أمي ….
مش هسيبك . مش هسيبك
وعد مني يا حته مني …
More Stories
ما تُبقيه السُّنون” للشاعرة : ندى عبد الله _ مصر
كانت بيننا حمامة ” للشاعرة : داليا رأفت _ مصر
كيف ” للشاعرة : آسيا حملاوي _ الجزائر