حبيبي لو نحسبها سوا
هتلاقينا إحنا لسه مولدين
انا وانت وي الهوا
نسينا عمرنا ولايفرق ان كان ثواني ولآ سنين
وكل ده من ساعة لقانا
وانا حاسه الدنيا مش سيعانا
وبتغني وبترقص ويانا على لحن حبي وحبك
وبتتمنى لو الزمن ينسانا
متشوقه تسمع همس الاغاني
متشوقه لحضن الاماني
متشوقه للعبير إللي في إيدك
بلمس الحنان إللي لاقبله ولابعده تاني
سلم حبيبي واحضن ايديا
واقرا الكلام اللي في عنيا
طول عمري بكتبلك واسال انا
سمعني صوتك و اسأل مره عليا
وحس بحنيني ونار اشواقي
وطول ما الدنيا بتلف بينا ولسه العمر باقي
مصيرنا هنتقابل صدفه او حتى بميعاد
ونعيش عمرنا كله في لحظة تلاقي
هو مين ضامن يعيش لبكره
وكل قصة حب بدايتها فكره
ولو انا دايما علي بالك وشاغله ليلك ونهارك
حبنا عمره ماهايبقى ذكرى
مع إن اللقا أتأخر جدا
بس إيدك في إيدي هنبدا
حبيبي مفيش شئ يمنع
ولاهنسلم نفسنا لليأس ابدآ
More Stories
ما تُبقيه السُّنون” للشاعرة : ندى عبد الله _ مصر
كانت بيننا حمامة ” للشاعرة : داليا رأفت _ مصر
كيف ” للشاعرة : آسيا حملاوي _ الجزائر