” ارحلى ” للشاعر : محمد على عاشور _ مصر

كنت يوم ساكنه بقلبى
كنت كل مبتغايا
كل همى كنت اشوفك
المح البسمة فى شفايفك
المح الضحكة ف عيونك
لكن انت كنت وهم
فقت منه بجرح قاسى
جرح عمرى هو انتى
فاكره كل احلامى بيكى؟
كنت. بحكى
انك انتى كل حلمى
كنت بصحى و انام بصورتك
فقت من حلمى الجميل
رغم بعدك انتظرتك
و انتظرتك و انتظرتك
كنتى فاكره انك انتى
تاركه قلبى فى الخزانة
يجرى ليكى بين أيديكى
قلبى فاق و فك قيده
ياللا عيشى يا جميلة
عيشى ياللا بره روحى
خسارة فيكى حبى ليكى
خساره فيكى كل كلمه كتبتها
خساره فيكى كل لحظه انا عشتها
ولا تستحقى أى همسة همستها
كل كلمه انا قلتها ندمان عليها
كل دقه دقها قلبى الحزين
ندمان عليها
كل حضن حضنتهولك فى الخيال
يا ريت ما كان
ولا تستحقى ثانية واحده
كنتى فيها ما بين ضلوعى
قلبى الأخضر فر منك
ياللا روحى خلاص يا حلم
فقت منه بذكريات
و كلام كتير

admin

See author's posts