” حرمت احبك ” للشاعرة : أميرة الغرباوى _ مصر

جى ليه وبعد ايه
أبعد بعيد كفياك جراح
انا قلبى تاب والبركة فيك
ولا يوم هيهديك السماح
وان فكر يوم يحس بيك
بايديا دول هادوس عليه
شبعت منك غدر وأسية
وبقيت خلاص..
من غير جناح…..
وجراح كتير متتنسيش
وخيانة منك…..
مع قلب غيرى
وغدرك دة قصة متنتهيش
بعنيا دول شايفاها منك
وغلبت ياما اشكي إليك
ونديت عليك….
ارحم لى ضعفى
مهو انت كنت ليا ضعفى
زى مكنت قوتى….
قلبى المسكين…
بايديك كسرته ،،
وجى الوقت تترجى فيا
لا خلاص…..انا قلبى تاب
مصدقت انه تانى فاق
من وهم حبك…
أبعد وسيبنى ….
خليك فى ذنبك
بايديك عملته..
مش عايزة تانى …
أشعر بضغفى …
خلاص كفاية….
خليك لوحدك…
بايديك كتبت
انت النهاية
وكانت هى دى النهاية.

admin

See author's posts