12 أبريل، 2024

” إتبسم ” للشاعرة : ليلى حسين _ مصر

ليلى

ليلى

أشرق جامد
بلاش الفكر يعاند ..
غمض عينك لحظة حلم
إشرب فنجان البن ..
من غير بِم .. !
على مهلك ..
شوية .. شوية ☕
و أنا أبين زين …
شبيك … لبيك ..
كون السعد ملك إيديك
و أنا .. راح
أسافر و أعافر ..
أسبح .. أغرق مدى
فِ ننى عنيك .. ???? ????
انفد في بير فنجانك ..☕ ..
أشوف لك سكك ..
تلال .. و .. وحوش ..
مافيا .. !
حٓلٓق حوش ..
كدب وشوش ..
عمل مدفون .. !
على الأعتاب مرشوش .. ????
المستخبى يبان .. ..
أهلل .. في نور صفحة بيضا ???? ..
و مقااااام كبير بيطل .. ..
قبة عالية من غير شيخ ..
الشيوووووخ كتيييير ..
كلامهم كله فشوووش
و بالعسل مرشوش .. ..
وشوش البن يا زين الرجال
وشوشاتك زقزقة ..
تعدل اللى مال ..
القلب طيب ما يوم يشيخ
إرمي بياضك ..
أنفاسك عالية في الفنجان ..
ورداية و ضحكة ..
إرمي باللحلوح اللي واقع ..
مش ها أقول دولار و ريال ..!
يحاوطك الستر و رزقك عال ..
حورية م الجنة ..
حسب .. نسب و جمال
منور طريقك ..
مال و دوشة ست عيال ..