23 أبريل، 2024

” الجمال قدام عنيها ” للشاعرة : اميره البنا _ مصر

كرتون

ارشيف

الجمال قدام عنيها
حس لحظه انه في خطر
مقايس الفن عنده
لازم لها اعاده نظر

راح ساعتها رافع ميزانه
واداها رمز الجمال
من ساعتها بقت عنيها
النموذج والمثال

والشفايف زي ورده
لسه بتفتح جديد
و الحراره اللي في ايديها
زي نار من الشوق تقيد

والخدود الله عليها
وردها فتح وبان
الندى الموجود عليها
رقته اخر حنان

الكلام معاها يسحر
زي قطعه موسيقيه
على طول اسكت واركز
علشان اسمعها هي

والوقت معاها يخلص
بسرعه خالص اوام اوام
القى روحي مهما نحكي
لسه ما شبعتش كلام

الجمال قدام عنيها
حس لحظه انه في خطر
مقايس الفن عنده
لازم لها اعاده نظر

راح ساعتها رافع ميزانه
واداها رمز الجمال
من ساعتها بقت عنيها
النموذج والمثا