يامجبراتى القلوب
أنا ليا قلب عليل
وطالب منك دوا
سهران طول الليل
عمال بنعى الزمن
وبكتب المواويل
كلام يدوب الحجر
اوعاك تكون بخيل
انا قلبى سهر الليالي
وليله كان طويل
عشمان تحنوا عليه
لو حتى بالقليل
طالب منكم موده
انااللى قلبى جميل
لايوم افرط فيكم
اوعوا تسيبونى ذليل
طالب تاخدوا بايدى
ودلونى على السبيل
لاباع قلبى المحبه
وصاين للعشرة اصيل
يا اللى من نفس الكاس
شربتوا المر وويل
خايف اقول انى دايب
وقلبى ليكوا يميل
ساعتها تشوفوا ضعفى
ومحبتى الدليل
على انى لسه باقى
على عشرة السنين
واحلف مليون يمين
وقلبى يقول امين
انى انا بالمحبه
عايش للطيبين
اللى دايما بيصونوا
العشرة والسنين
تفضل قلوبهم بيضا
ولاتتاثر بمين
نغيب ونرجع ليهم
نلاقيهم فرحانين
واول مايشوفونا
يبقوا علينا جايين
تفرح بيهم عنينا
ودموعنا من سنين
ياما نزلت عليهم
فرقه وحزن وأنين
فرحت عنينا لما
شافتهم بعد حين
واهلا باللى راحوا
ورجعوا مشتاقين
والله الغربه صعبه
ولاكنا مرتاحين
اصل البعد عنكم .
خلانا محرومين
ولما رجعتوا لينا
بقينا فرحانين
More Stories
حين تدق ” خاطرة للشاعرة : خديجة الرفاعي _ المغرب
أستيقاظ ” للشاعرة : إيمان السباعي _ المغرب
وجاء الرحيل ” للشاعرة : روحية صلاح _ مصر