” بدأت أعد “كلمات الشاعرة : رضا عبد الوهاب

بدأت أعد وانا نازلة ف أرقام
ليالى كتير دارت بنا وغيتي انى انساها
واتجاهل تجاهلك ليا لما كنت انا وياك
وقِمت حدّك الواهى على حدودى
ومتنازلة عن وجودى معاك كطيف باهت
كضيف ساكت عن كرم ضيافة قلبى
ف قربك وحقه انه يتعامل
كنِد لقلب حب بلاش
وياما كنت بتغاضى عن الاهمال
ياعمر ومال
ورد فعل عكس اتجاه السير والمنطق
وقِبلة العاشقين
ومشاعر باردة كنت بتوزعها على المارين وبتشوفنى بنضارة قزاز غامق
ومكسورة خيال وطشاش
وتأويل وبُعد وبين
وسك غفرانه متزور وعشق رياق
وبرواز قلب متعايق ومش لايق
مفيش تبرير يضاهى كدب متعور ومخدوش
اقول غشاش اقول قاسى اقول ناسى ومتناسى حضورى ياما ف غيابك
وايه جابك من الأول مادمت مجاز
لبنت اكيد ف يوم عمرك محبتهاش
محبتنيش

admin

See author's posts