اسمحوا لي دقيقة أترجم
صورة واضحة لِلون بلادي
في الشوارع…..في البوادي
في الكنايس والجوامع
للي مش شايف وسامع
للي أخطأ… واللي تاب
القصص….. برَا الكتاب
العادات الحلوة بينا
السلام اللي مالينا
ويا بعض وسنة سنة
نملك الجاي في إدينا
مصرنا…. للأهل جامعة
شايله هم الكل…… شمعة
درع قادر…….صيت وسمعة
ربنا الحامي ……حمينا
واجتباها بالأمان
جيش وشعب
فخر على مر الزمان
أوصف الإحساس في ليلها
وأفتش السر اللي باين
بين نخبلها وشط نيلها
قصة العشق اللي واضحة
في حضن دلتاها.. لوديها
يااااااااه عليها
مهما أقول
مش ….هيوفيني الكلام
مصر أم الدنيا فعلا
مصر أقدم م الزمان
غنوة صابحة لفجر نادي
دندنات تشحن فؤادي
فأبقى صورة ….طبق منها
تعكس العزم اللي كفى
شايلة اخواتها …..في عينها
تبقى مصر لحالها كافة
أصلها في جمالها يوسف
وفي إيمانها موسويه
أرضها المباركة شاهدة
عمرها …..عاشت بهية
الزمن بيمحي يااااااما
وهي بالحضارة……. هي
التجلي ……كان عليها
والمسيح والمريميه
عاشوا أمن الأمن فيها
هزوا جذع النخوة… فاض
بالحماية والكفاية
كتف مية وكتف زاد
مخلصة…. في الحق آية
حضن دافي وشمع قاد
بالأيدي الشقيانين
جنة بالخير اللي طايب
مقبرة للطمعانين
اسألوا اكتوبر يقول
ملحمتنا في العبور
تكبيرات كل الولاد
زلزلت قلب الأعادي
لما حيو ع الجهاد
م الجهادي والجهادي
يد واحده وقلب واحد
اتحاد من كل ناحية
كل حاسد كل جاحد
شاهدوا ان عقولنا صاحية
وانها هتعيش وتحيا
رغم انف المعتدين
بالايادي الطيبين
للي حاضر واللي غايب
كله له من النية نايب
دا اللي مكسور فيها طايب
الوصية من الأمين
الرباط اللي مابينا
وصلة م الروح للوتين
ربنا بجلاله قالها
ادخلوها آمنين
ادخلوها آمنين
More Stories
أطياف ” للشاعرة : ملك محمود الأصفر _ سوريا
لوسألوني ” للشاعرة : امل محمود _ مصر
لاتصدّقوا الشّعراء ” للشاعرة : سوزان النجار _ سوريا