ثقافة

كتير عليه ” للشاعرة : راوية حسن _ مصر

ارشيف

كتير عليه ومااقدرش
عيونى فى غيابك مابتنامش
وانت بتروح وبتمشى
وبفضل فى هواك مشغول
وببعتلك كتير جوابات
وانت مقضيها اشتغالات
ولامرة اقولك هات
ايديك تقولى مش معقول
لقيتك فى يوم باعتلى كلام
وبتقولى كفايه خصام
اظن مافيش عليه ملام
اكلمك الاقيك مشغول
ياما انشغلت بيك وعليك
وقلت يمكن فاكرانى عنيك
لاقيت اللى كانوا يوم حواليك
راحوا وكلام ده شرحه يطول
ولما شوفتنى جيتلى
وقولت عنيكى بعتتلى
نسيت ساعتها اللى حصلى
وقولت ساعتها مش معقول
ازاى اصدقك تانى
ودايما تكون انت الجانى
كلامك خدنى وودانى
وخلانى أغنى واقول
رجعت ليك ومش دارى
وانت اهلى وكمان دارى
اكمل معاك انا مشوارى
وافرح من ده كله وانول