ازمة الفنان حاتم زو الفقار

كتبت : سحر جلال

أبوه قاطعه بسبب التمثيل .. وأصحاب السوء خلوه ياخد ممنوعات ورحل في شقته من غير ما حد يحس به”.. دا اللي حصل للفنان حاتم ذو الفقار، اللي حياته كانت مليانة صعوبات ومآسي .. يا ترى إيه حكايته تعالوا نعرف سوا.

حاتم ذو الفقار اسمه الحقيقي حاتم محمد محمود راضي، اتولد في قرية ساحل الجوابر بمركز الشهداء في المنوفية سنة 1952، وعاش طفولته مع عيلته في حي العباسية بالقاهرة.

حاتم هو الاخ الوسطاني ليه اخ كبير مهندس اسمه ماهر راضي وأخت صغيرة دكتورة اسمها أنوار، وعيلته كانت بتحرص طول الوقت إنها تكون بعيدة عن الأضواء.

بعد ما خلص الثانوية دخل الكلية الحـ.ـربية عشان خاطر أبوه، بس التدريبات الصعبة بتاعها خلته يتعرض لحادثة خسر رجله مسافة طويلة لما وقع من الجبل ودا السبب اللي خلاه يسيبها بعد سنتين ويروح يدرس تمثيل.

بعدها تخرج ببكالوريوس تمثيل وإخراج من المعهد العالي للفنون المسرحية في السبعينيات، وده خلى أبوه يزعل منه ويقاطعه فترة.

بدأ مسيرته بأدوار صغيرة في الأفلام والمسرح والتلفزيون، وبعدين بدأت شهرته تزيد شوية بشوية في الثمانينيات والتسعينيات.

ورغم حبه للفن لكن ده منسهوش حياته الشخصية واتجوز ٣ مرات، واحدة منهم كانت من الفنانة نورا.

ورغم شهرته لكن أصحاب السوء خلوه ياخد ممنوعات ودخل بسببها الحبس ٣ مرات ودا خلى ناس كتير تبعد عنه، حتى زوجته الأخيرة سابته وانفصلت عنه واتعزل عن أصحابه وزملاءه في الوسط الفني.

وفي آخر أيامه، اتعرض لحادث عربية أثرت على رجله وحركته قلت تماما وبعد عن الأضواء، وما قدرش يشتغل تاني ولا حد من المنتجين كلمه.

وبعدها عاش وحيد تمام في عزلة شديدة، لحد ما رحل في 15 فبراير 2012 بعد أزمة صحية مفاجئة في شقته من غير ما حد يحس بيه .

admin

See author's posts