زعلانة ” للشاعرة : زينب مغنية _ سوريا

عِبء كبير وجَّعني
و خلّاني إصرخ وَحدي
طفلة صغيرة رَجّعني
خاف من العتم والوحدة

عِبء كبير .. كبرَّني
وكبَّر هالوجع فيَّي
عكّر حياتي وغيرَّني
وشوَّه الدّني بعَينيِّي
خلّاني بس إغفى شوف
حالي .. لحالي بهالكون
وبس إصحى إبكي من الخوف
وما لاقي حدا حدّي

زعلانِة منِّك يا دني
زعلانِة كتير زعلانِة
كيف بتعرفي شو بِني
و بتخلّي الفرح ينساني
شو إلها طعمِة هالحياةْ
لمّا من كل هالجنيناتْ
قطفتيلي باقة من الشّوك
ونسيتي تعطيني الوردِة ..

admin

See author's posts