أنت الأمان ” للشاعرة : يامنه رفعت _ مصر

انت الأمان
انت اللى حاضر واللى كان
انت اللى جاى
يانور بيسكن قلبى ضىّ
انا قلبى لما يموت عليك
علشان تكمل فيا حىّ
انا ابيع حياتى واشتريك
وافديك عشان مالكش زىّ
بكره اللى جاى هيضمنا
أجمل مافينا بقلبنا
يقولى حب العمر ليك
يقول بروحى افتديك
من نسمة طايرة
ياحب عمرى بَخاف عليك
اخاف اغمض عينى ثانيه
من غير ما عينى تشوف عنيك
بعشق حبيبى رقتك لمسة ايديك
أنت الامان
بعشقك من غير ما افكر
ماانت نبضك حلم أخضر
قولى مين ع الحب يقدر
غير وريد بيحن ليك
كلمة واحدة من شفايفك
تهوى كل الدنيا قلبك
تعشق الطيبه اللى روحها
ورد روحك فل خدك
بعشق النجمة ف عيونك
بعشق الحلم ف جفونك
والله عمرى ف يوم ماخونك
انت طُهر الروح بقربك
انت عشقى وحكياتى
انت روحى ياحياتى
انت اجمل ذكرياتى
انت كل الدنيا قلبك

admin

See author's posts