جايبه خروف العيد
أكفّر عن خطايا قابيل
مكنش لسه فى البشر
قاتل
ولا كان فيه قتيل
من بعد قتلك ياهابيل
والدم أصبح للركب
والقتل بالسكينه زيه
زي نكران الجميل
جايبه خروف العيد
بآخر قرش
حوشته السنادي
أنا مش بضحى منظرة
ولا اكيد أعادى
أنا أصلي شايفه الحاله
صايبها العطب
الأخ كاره
والصديق أصبح عويل..!
جايبه خروف العيد
انا بدمِّى اللى ساح
وقريت عليه أورادى
من عهد الجراح
أنا دمعى سايل فوق خدودى
م المسا لحد الصباح
ويارب تقبل منى
لا تحرمنى من شرف القبول ..!
More Stories
أحبّّكَ رغم أنّك لا تُبالي ” للشاعرة : إيمان الديب _ مصر
عبدٌ جديد ” للشاعرة : هدى عز الدين _ مصر
حتى أنجو من الحب ” للشاعرة : هدى عز الدين _ مصر