وكان السر ف طموحك ” للشاعر : احمد ونس _ مصر

قيود مفروضه علي روحك
تسلسل قوتك بوحك
ضماده يتشفي بيها جروح
وهما يا زيدو ف جروحك
ولا كليت ولا ماليت
ولا ف مره افتكرت بكيت
وكان السر ف طموحك
تبان ليهم كما فارس
همام مغوار وحامي ديار
ودقوا ف نعشهم مسمار
بنيت القلعه دون اسوار
وهدو الحصن وصروحك
سلاحك كان سلام وامان
ف عالم كله خدعه وزيف
دفاعك عن شرف مزعوم
ف معركه القلم والسيف
راهنت وكان رهان خسران
علي الكم ونسيت الكيف
شريف جدا قصاد نفسك
رخيص جدا قصاد منهم
وكنت الطيب الساذج
ودورك كنت مدمنهم
بريء جدا من الالاعيب
لكنك كنت ف عيونهم
شيطان عربيد حرامي قلوب
وقاتل روحك الشرير
بطل لكن ف دور دوبلير
ولو هاتمشي عكس السير
مالكش الحق مره تتوب
ذنوب سابقه في سجل ماضيك
وناس سابت آثارهم فيك
وكانت كل دي تلاكيك
عشان الأصل ف القصه
بديلك كان بداء يظهر
تنام من فرط تفكيرك
فيصحي شيطانه وبيسهر
عليل قلبك بحب خبيث

admin

See author's posts