21 يوليو، 2024

” قلوب مجرووحه ” للشاعرة : إنتصار عرابي _ مصر

انتصار

انتصار

قلوب مجرووحه
أنا وحماتى
يا حماتي انت أمي ”
اعتبريني زي بنتك
علميني من جديد
شكليني –
فهميني –
انصحيني –
وازرعي
جوايا حبك
هتحصدي ورد الجناين
وهتسعدي بيا ابنك
وهتفرحي كل الحبايب
اللي نالوا الحب منك
ليه تعانديني وعاندك
واحنا مصرينا واحد
والمشاكل تكتر مابينا
ويضيع حقي وحقك
يا ريتك تبقي شجرة
نتجمع كلنا تحت ضلك
والقوة ناخدها منك
ولا يوم نتخلي عنك
متزعليش انك زرعتي
بذره منك جوا مني
هو دين استلفته
منك بكره يخلص
لما بقي ف سنك
أنا
ليك عليا اسمع كلامك
والعيبة مني ما تطلع
أصل يامه عندي أم
كل غلطه راجعه ليها
لو يوم اشكي ليها منك
هتلاقي اللي يشتكيها
والزعل مالهش لزمه
لو تسامحي
بكره حسنة هتلاقيها
من زمان قالت لي لأمي
( كل بيت وله مدار )
وعشان تعيشي
اوزني كلامك
وعاملي الناس باحترام
وليكي مني كل التحيه
لروحك الطاهره الذكيه
مانت أمي بعد أمي
يا اللي علي ايديكي
كملت العلام