” قلبي البرئ ” للشاعرة : ايمان مصطفى _ مصر

قلبي البرئ

قدري اني مخلوق من حرير
أوتار مشاعري رقيقة
قلبي البرئ
مخنوق براحُه في شرنقة
إحساسه فاق كل الحواس
والدنيا فيه متعلقة
بيشوف بعين الاعتبار
طمعان في أبعد م اللقي
رغم الشقا
في عيونه بسمة مرقرقة
مرسومه عناقيد من حنان
مروية من نور الإيمان
للقلب نظرة سابقه لحدود البصر
ومداها ابعد م المدي
كل الحروف
من وشم آيات الجمال
ع الورد بترشرش ندي
باعت رسايل ملهمة
للكل بتقول ابتدي
زمن التجلي والسجود
ودموع توثق في العهود
محراب تجلى لاعتكاف الروح
تعود
تنشل كيان طهر الوليد
من عز دوامة شقي
لكن خلاص
جانا الخلاص
واللي صبر
فاق واعتبر
وشرب شراب
خمره الحلال
وسكر وقال
الله أكبر ع الجمال
ميل ومال
وزع محبة وطرحها
حلو الوصال
في حروف جميلة مزوقة

admin

See author's posts